“Sumqayıt"ın müdafiəçisi Kənan Feyziyev əməliyyat olunub.

Futbolmedia.az xəbər verir ki, bu barədə klub məlumat yayıb. Misli Premyer Liqasının 32-ci turu çərçivəsində “Zirə” ilə matçda zədələnən gənc oyunçunun Türkiyədə baş tutan əməliyyatı uğurlu keçib.

Qeyd edək ki, ön çarpaz bağ və menisk əməliyyatı keçirən Kənan Feyziyevin 6-9 ay sonra yaşıl meydanlara dönüşü gözlənilir.