"Sumqayıt”ın müdafiəçisi İsa Suliman əməliyyat olunub.

Futbolmedia.az xəbər verir ki, bu barədə klubun mətbuat xidməti məlumat yayıb.

Misli Premyer Liqasının 10-cu turunun “Sabah”la oyununda zədələnən pakistanlı futbolçuya medial menisk yırtığı diaqnozu qoyulub.

Türkiyənin paytaxtı Ankara şəhərində edilən əməliyyat uğurlu keçib.

Artıq bu gün Sumqayıta dönəcək müdafiəçinin ən gec iki ay ərzində yenidən tam gücü ilə çalışmalara başlayacağı gözlənilir.