“Real”ın yarımmüdafiəçisi Arda Gülər Madrid klubundan ayrılacağı bildirilən komanda yoldaşı Dani Karvahal haqqında paylaşım edib.

Mövsümün sonunda “Real”ı azad agent kimi tərk edəcək 34 yaşlı müdafiəçi üçün türk futbolçu vida mesajı yazıb.

Futbolmedia.az AS-a istinadən xəbər verir ki, Arda, sosial şəbəkədəki paylaşımında ispaniyalı futbolçunu tarixin ən yaxşı sağ cinah müdafiəçisi adlandırıb:

“Tarixin ən yaxşı sağ cinah müdafiəçisi! Sənin kimi bir əfsanə ilə eyni meydanı bölüşmək mənim üçün böyük şərəf idi. Hər oyunda qalib gəlmək istəyi və məşqdə belə, məğlubiyyəti qəbul etməyən mentalitetin mənə çox şey öyrətdi. “Real” oyunçusu olmağın nə demək olduğunu göstərdin. Liderliyinə, təvazökarlığına və ehtirasına görə təşəkkür edirəm. Sənin üçün çox darıxacam”.

Karvahal “Real” akademiyasının yetirməsidir və klub tarixinin ən titullu futbolçularından biri hesab olunur. O, 2013-cü ildən Madrid təmsilçisinin formasını geyinir.