"Qarabağ"ın Konfrans Liqasındakı rəqibi “Omoniya” Kipr çempionatında növbəti oyuna çıxıb.

Futbolmedia.az xəbər verir ki, komanda 8-ci turda doğma meydanda “Anortosis”lə qarşılaşıb və 0:1 hesabı ilə uduzub.

“Omoniya” 8 turdan sonra 7 xalla 12 komanda arasında 10-cu pillədə qərarlaşıb. Komandanın ehtiyatda da bir oyunu var.

Qeyd edək ki, “Qarabağ” “Omoniya”ya qarşı səfərdə keçirdiyi ilk matçda 4:1 hesabı ilə qalib gəlib. Bu komandalar arasında ikinci görüş noyabrın 25-də Bakıda keçiriləcək.