“Əl-Nəsr” gələn mövsümdən etibarən Kriştiano Ronaldonun oğlu Ronaldo Junioru əsas komandanın heyətinə yüksəltmək imkanını nəzərdən keçirir.

Futbolmedia.az xəbər verir ki, İnsayder Fabritsio Romanonun məlumatına görə, yekun qərar cari mövsümün sonunda futbolçunun səviyyəsi qiymətləndirildikdən sonra qəbul olunacaq. Klubun məşqçilər heyəti onun inkişafını və əsas komandaya texniki baxımdan nə dərəcədə hazır olduğunu diqqətlə dəyərləndirəcək.

Bundan əlavə, Səudiyyə klubunun Ronaldo ilə müqaviləsi 2027-ci ilə qədər qüvvədədir və rəhbərlik onu növbəti mövsüm də komandada saxlamaq niyyətindədir. Bu plan, həm Ronaldonun gələcəyi, həm də oğlunun əsas heyətə yaxınlaşdırılması baxımından xüsusi maraq doğurur.

Əgər bu transfer baş tutsa, futbol tarixində ata və oğulun eyni komandada birlikdə çıxış etməsi baxımından çox simvolik hadisə ola bilər.