“Barselona”nın yarımmüdafiəçisi Mark Kasado klubundan ayrıla bilər.

Futbolmedia.az xarici KİV-ə istinadən xəbər verir ki, “Napoli” ispaniyalı futbolçunu heyətinə qatmaqda maraqlıdır. Neapol klubu ona hələ ötən yay iddialı olsa da, Kasado həmin vaxt “Barselona”da qalmağa üstünlük vermişdi.

Hazırda isə vəziyyət fərqlidir. İddialara görə, “Barselona”nın baş məşqçisi Hans-Diter Flik 22 yaşlı oyunçunu əsas heyətin üzvü kimi görmür və bu səbəbdən, onun ayrılığı kifayət qədər real sayılır.

“Napoli”nin idman direktoru Covanni Manna futbolçunun çıxışını yaxından izləyir. Transferin təxmini dəyəri 30 milyon avro qiymətləndirilir.

Kasadoya maraq yalnız “Napoli” ilə məhdudlaşmır, İngiltərə Premyer Liqasının bir sıra klubları da onun vəziyyətini diqqətdə saxlayır.

O, bu mövsüm “Barselona”nın heyətində 30 oyunda iştirak edib və 1 məhsuldar ötürmə verib.