"Mənim Danilo Beskorovaynıy ilə münaqişəm haqqında yazan jurnalist buradadır? Bu xəbər doğru deyil. Belə yalan xəbərlərin yayılması həm oyunçu, həm klub, həm də mənim üçün çox üzücü və mənfi haldır. Danilonun oynamamasının bu iddialarla heç bir əlaqəsi yoxdur. Bayram fasiləsi zamanı onun Ukraynada sənədlərlə bağlı bəzi işləri var idi və bu səbəbdən məşqlərə üç gün gecikmişdi. Oynamaması da sırf bununla bağlıdır".

Futbolmedia.az xəbər verir ki, bu sözləri “Sumqayıt”ın baş məşqçisi Saşa İliç Misli Premyer Liqasının 27-ci turunda “Turan Tovuz”a 1:2 hesabı ilə uduzduqları oyundan sonra deyib.

- Oyun haqda fikriniz necədir?

- Bu rəqiblə oynamaq hər dəfə çətin olur. İlk 15 dəqiqə bir az qorxaq futbol oynadıq. İkinci hissədəki oyunumuzdan razıyam. Kifayət qədər oyunu kontrol altında saxladıq.

- Birinci hissədəki qorxaq futbol oynamağınız nə ilə bağlı idi?

- Düzünü deyim, bilmirəm. Ola bilər ki, stadionda ab-hava oyunçularıma təsir etdi. Öz səhvlərimizdən qollar buraxdıq.

- Dini bayramla bağlı sizi təbrik edirik. Maraqlıdır, dünən kilsədə etdiyiniz dualarınız arasında bugünkü oyun var idi?

- Hər oyundan qabaq dua edirik ki, qalib gələk. Artıq bizim avrokuboklar şansımız qalmayıb. Ona görə də hər dəfə ümid edirik ki, gözəl oyun göstərək. Hakimlərlə bağlı məsələlər var. Hər dəfə onların səhvi təsirini göstərir. Özünüz də görürsünüz ki, hansısa oyunda hansısa epizodda penalti yox idi, ya var idi. Məsələn, "Araz-Naxçıvan"la görüş, "Neftçi" ilə matç. Bu gün də əlavə vaxtı çox artırmaq olardı, amma olmadı. Bu cür kiçik səhvlər də nəticəyə təsir göstərir.

- "Sumqayıt"ın Premyer Liqadan düşmək təhlükəsi haqda düşünürsünüz? Çünki "İmişli" bu gün qalib gələrək xal fərqini azaltdı.

- Düşünmürəm. Təbii ki, hər şey ola bilər. Altı oyun qalıb. Amma inanmıram ki, bu baş