“Aston Villa” İngiltərə Premyer Liqasının 29-cu turunda öz meydanında “Çelsi”yə böyük hesabla (1:4) məğlub olub.

Futbolmedia.az xarici KİV-ə istinadən xəbər verir ki, qarşılaşmadan sonra ev sahibi komandanın baş məşqçisi Unay Emeri matçın taleyində əsas məqamın komandasının sayılmayan ikinci qolu olduğunu bildirib:

“Biz eyni səviyyədə oynamağa çalışdıq, ancaq rəqib ilk hissədə daha yaxşı təsir bağışladı. İlk qolu vurduqdan sonra ikinci dəfə də fərqlənə bildik, amma VAR bu qolu qeydə almadı. Düşünürəm ki, bu, oyunun əsas məqamı oldu. Onlar üçüncü qolu vurduqdan sonra artıq hər şey bitmişdi. Çalışdıq, amma artıq nəyisə dəyişmək mümkün olmadı”.

“Aston Villa” bu məğlubiyyətdən sonra Premyer Liqanın turnir cədvəlində 4-cü pilləyə geriləyib.