“Barselona”nın sabiq prezidenti Xuan Laporta komandanın yarımmüdafiəçisi Qavinin zədəsi ilə bağlı danışıb. 21 yaşlı futbolçu ötən ilin avqustunda sıradan çıxıb. Onun dizindəki problemlər əməliyyat tələb edirdi və geri dönüşü mart ayına planlaşdırılır.

Futbolmedia.az “Barca Universal”-a istinadən xəbər verir ki, Laporta, Qavinin zədədən sonra çox əziyyət çəkdiyini bildirib:

“Qavi zədədən sonra çox əziyyət çəkdi. O, ağlayırdı. Oynamaq üçün hər şeyə hazır idi və lazım gələrsə, çəliklə meydana çıxa bilərdi.

Onun bərpa prosesindəki irəliləyişdən məmnunuq. Ciddi zədələr bütün paltardəyişmə otağına təsir edir, ancaq tibb heyəti, məşqçilər və Qavinin ailəsi onun mümkün olan ən yaxşı şəkildə sağalmasını təmin etmək üçün birlikdə çalışdılar”.

“Barselona”nın La Liqa çərçivəsində növbəti oyunu fevralın 22-də “Levante”yə qarşı olacaq.