Misli Premyer Liqasında 18-ci turun görüşləri davam edir.

Futbolmedia.az xəbər verir ki, ikinci oyun günündə daha iki matç keçiriləcək.

Günün ilk qarşılaşmasında “Kəpəz” Yevlaxda “Şamaxı”nı sınağa çəkəcək. Hazırda Gəncə klubu 12 xalla 11-ci, “Şamaxı” isə 20 xalla 8-ci pillədə qərarlaşıb.

Bu komandaların ilk dövrədəki oyununda Azər Bağırovun komandası Şamaxıdan 4:1 hesablı qələbə ilə qayıdıb.

Günün ikinci matçında “Zirə” öz meydanında “Sabah”ı sınağa çəkəcək. Hazırda Rəşad Sadıqovun komandası 29 xalla 5-ci pillədə qərarlaşıb. “Sabah” 40 xalla liderdir.

Masazır təmsilçisi son 6 turda xal itirmədiyi halda, “Zirə” ardıcıl 4 görüşdür qələbəyə həsrətdir.

Bu komandaların ilk dövrədəki görüşü “Sabah”ın 3:0 hesablı qələbəsi ilə yekunlaşıb.

31 yanvar (şənbə)

14:30. “Kəpəz” - “Şamaxı” - 0:2 (İkinci hissə)

Qollar: A.Ağcabəyov, 12, K.Rossi, 45+1
Hakimlər: Cavid Cəlilov, Kamran Bayramov, Müslüm Əliyev, Kamran Əliyev
VAR: Fərid Hacıyev
AVAR: Asiman Əzizli
Yevlax şəhər stadionu

17:00. “Zirə” - “Sabah”
Hakimlər: Kamal Umudlu, Namiq Hüseynov, Vüsal Məmmədov, Əkbər Əhmədov
VAR: Rəvan Həmzəzadə
AVAR: Rəhman İmami
Zirə İdman Kompleksinin stadionu

1 fevral (bazar)

16:00. “Araz - Naxçıvan” - “Neftçi”

18:30. “Qarabağ” - “Turan Tovuz”

30 yanvar (cümə)

“Karvan-Yevlax” - “Sumqayıt” - 0:2

“Qəbələ” - “İmişli” - 3:2