"Bu gün Azərbaycan tarixi üçün ağır bir gün olub. Başımız sağ olsun. Oyuna gəldikdə, çox vacib bir görüşdür. Düzdür, hazırlaşmağa vaxtımız çox olmadı, amma hər bir halda istirahət etməyə və oyuna sakit halda hazırlaşmağa vaxt tapdıq. Az bir vaxtda maksimum çalışdıq. ki, ən azı futbolçularımızı bu oyuna fiziki baxımdan hazırlayaq. Amma bir yoxlama oyunu da oynasaq, daha yaxşı olardı".

Futbolmedia.az xəbər verir ki, bu sözləri "Qarabağ"ın baş məşqçisi Qurban Qurbanov UEFA Çempionlar Liqasının Liqa mərhələsində sabah "Ayntraxt"la (Almaniya) Bakıda keçiriləcək oyun üçün təşkil edilən mətbuat konfransında deyib.

O, futbolçularımız hər bir məşqdə Frankfurt klubu ilə oyuna böyük əhəmiyyət verdyini bildirib: "İnanıram ki, sabah meydanda çox intizamlı bir komanda görəcəyik. Rəqibin düşərgəsində bəzi dəyişikliklər olub. Bu amil bizə mane ola bilər. Çünki "Ayntraxt" indi daha yığcam, intizamlı və istəkli oynayacaq. Buna baxmayaraq, ən azı çalışacağıq ki, azrkeşləri sevindirək. İnanıram ki, sabah ən yaxşı oyunlarımızıdan birini oynayacağıq".

Q.Qurbanov “Ayntraxt”da baş məşqçi dəyişikliyinin onların planlarına da təsir etdiyini bildirib: "Həqiqətən oyunlara baxırdıq, yanvardan bu yana üç matç keçiriblər. Həm fərqli heyət, həm fərqli sistemdə meydana çıxırdılar. Oyunun gedişində müxtəlif hücumlar qururdular, hər oyunda fərqli müdafiə olunurdular. Buna uyğun işimizi aparırdıq. Amma planlar dəyişdi. Sabah meydanda çox diqqətli olmalıyıq ki, gedişlərini tuta bilək. Əsas öz oyunumuzu intizamlı oynasaq, diqqətli olsaq, rəqibin nə etmək istədiyini bilsək, problem olmamalıdır. Düzdür, təcrübəli komandadırlar. Ümumi özünəməxsus alman intizamı var, bunlar öz yerində. Lakin bizim də təcrübəmiz var. Futbolçuların hazırlığı ümid verir ki, daha yaxşı oynaya bilər. Uğurlu nəticə əldə edə biləcəyimizə inanıram. Ümumilikdə, rəqibdə baş məşqçi dəyişikliyi bizim üçün sürpriz oldu, fikrimiz qarışdı".

“Ayntraxt”ı oyuna hazırlayanlardan Aleksandr Mayer 13 il əvvəl “Qarabağ”a üç qol vurmuşdu. Bu, sizinçün əlavə məqamdır" sualına isə Qurbanov maraqlı cavab verib: "İndi qol vura bilməyəcək (gülür). Sadəcə tanış simadır, görmək xoş olardı".