“Çelsi” klubu yeni baş məşqçisini açıqlayıb.

Futbolmedia.az klubun mətbuat xidmətinə istinadən xəbər verir ki, bu vəzifəyə Liam Rozenyor təyin edilib.

41 yaşlı mütəxəssislə 2032-ci ilin yayına qədər müqavilə imzalanıb.

Rozenyorun məşqçilik karyerası əsasən İngiltərənin aşağı liqaları ilə bağlı olub. O, daha əvvəl “Derbi Kaunti” (1-ci liqa) və “Hall Siti” (Çempionşip) klublarında çalışıb. 2024-cü ildən isə Fransanın “Strasburq” klubuna rəhbərlik edib.

Qeyd edək ki, “Strasburq” və “Çelsi” eyni sahiblərə məxsusdur və fransız klubu faktiki olaraq London təmsilçisinin farm-klubu hesab olunur.

Bu mövsümdə Rozenyorun rəhbərliyi altında “Strasburq” Konfrans Liqasının qrup mərhələsini qalib kimi başa vurub və hazırda Liqa 1-də 7-ci pillədə qərarlaşıb.

Xatırladaq ki, “Çelsi” bundan əvvəl baş məşqçi vəzifəsindən Enzo Mareskanı istefaya göndərmişdi.