"Mançester Siti" qış transfer pəncərəsində heyətini gücləndirməyə hazırlaşır.

Futbolmedia.az xəbər verir ki, "Sky Sports"un məlumatına görə, "şəhərlilər" "Bornmut"un vingeri Antuan Semenyo ilə artıq razılığa gəlib. Bildirilir ki, klub 25 yaşlı hücumçunun sərbəstqalma məbləği olan 74,5 milyon avronu ödəməyə hazırdır.

Qeyd edək ki, cari mövsümdə Semenyo möhtəşəm oyun performansı ilə diqqət çəkib. O, "Bornmut" forması ilə çıxdığı 18 matçda 9 qol vurub və 3 məhsuldar ötürmə edib.