Misli Premyer Liqasında 16-cı tur davam edir.

Futbolmedia.az xəbər verir ki, ikinci oyun gününə nəzərdə tutulan 2 matçdan 1-i artıq başlayıb.

Əvvəlcə “Karvan-Yevlax” öz meydanında “Neftçi”ni qəbul edir. Hazırda Yevlax klubu 6 xalla sonuncu – 12-ci pillədə qərarlaşıb. “Neftçi” isə 17 xalla 8-cidir. Bu komandalar arasında Bakıda baş tutan ilk matçda qalib aşkarlanmayıb - 0:0.

Günün ikinci matçında isə “Zirə” öz meydanında “İmişli”ni qəbul edəcək. 15 turdan sonra 27 xalı olan paytaxt təmsilçisi 4-cü, bölgə təmsilçisi isə 17 xalla 9-cu yeri tutur. Bu komandalar arasında da ilk dövrənin matçı bərabərliklə yekunlaşıb - 1:1.

20 dekabr (şənbə)

14:00. “Karvan-Yevlax” - “Neftçi” - 1:0 (Fasilə)

Qol: Araz Abdullayev, 45+8-pen.

Hakimlər: Əliyar Ağayev, Zeynal Zeynalov, Akif Əmirəli, Emin Əliyev
VAR: Elçin Məsiyev
AVAR: Zöhrab Abbasov
Yevlax şəhər stadionu

16:30. “Zirə” – “İmişli”
Hakimlər: Cavid Cəlilov, Kamran Bayramov, Müslüm Əliyev, Elvin Bayramov
VAR: Rəvan Həmzəzadə
AVAR: Teymur Teymurov
Zirə İdman Kompleksinin stadionu

21 dekabr (bazar)

15:00. “Qəbələ” – “Qarabağ”

17:30. “Araz-Naxçıvan” – “Şamaxı”