“İki aylıq fasilədən sonra yenidən meydanda olmaq inanılmaz bir hiss idi. Təəssüf ki, bu, uzun çəkmədi.
Zədə səbəbindən oyunu yarımçıq tərk etməli oldum və bu, təbii ki, çox ağrılı idi”.

Futbolmedia.az xəbər verir ki, bu sözləri Azərbaycan millisinin hücumçusu Mahir Emreli özünün İnstaqram hesabında yazıb.

Mahir Emreli klubu “Kayzerslautern”in heyəyində Almaniya 2-ci Bundesliqasının 12-ci turunda "Herta" ilə görüşün iştirakçısı olub.

Son 9 turda oynamayan Emreli 63-cü dəqiqədə meydana çıxsa da, 77-ci dəqiqədə zədələnərək əvəzlənib. O, meydanı tərk edərkən göz yaşlarını saxlaya bilməyib. Zədələndiyi üçün 28 yaşlı futbolçu millinin qarşıdan gələn İslandiya və Fransa ilə oyunlarına çağırılmayıb.

M.Emreli paylaşımında daha sonra yazıb:

“Son həftələr mənim üçün heç də asan keçməyib. Əvvəlcə az oyun təcrübəsi, sonra xəstəlik, bir həftə əvvəl isə böyük qardaşımı (dayıoğlumu) çox ağır və faciəli şəkildə itirdim.