Azərbaycan millisinin hücumçusu Mahir Emreli Almaniya 2-ci Bundesliqasında növbəti oyununa çıxıb.

Futbolmedia.az xəbər verir ki, o, 3-cü turda “Kayzerslautern”in əsas heyətində yer alıb.

Səfərdə “Elversberq”in qonağı olan Mahirin komandası məğlub olub - 1:2. Emreli görüşün 72-ci dəqiqəsində Riçmond Taçi ilə əvəzlənib. "Kayzerslautern"in yeganə qolunu da meydana çıxdıqdan 7 dəqiqə sonra Taçi vurub. 90+2-ci dəqiqədə isə meydan sahibləri qələbə qolunu qonaqların qapısından keçiriblər.

Qeyd edək ki, “Kayzerslautern” 3 turdan 3 xalla 13-cü yeri tutur.