Məşhur iordaniyalı karikaturaçı Omar Momani növbəti əsərini “Qarabağ” komandasına həsr edib.

Futbolmedia.az xəbər verir ki, o, bunu sosial media hesabında yayımlayıb. Karikatura UEFA Çempionlar Liqasının "Qarabağ" - "Çelsi" matçı (2:2) ilə bağlıdır.

Əsərdə Qarabağ”ın futbolçusu qəzəbli ifadə ilə mavi rəngli, “Çelsi”nin rəmzi olan şirə hücum edir və onu boğmağa çalışır.

“Qarabağ” “Çelsi”yə qarşı oyunda döyüş ruhu, güc və qələbə ehtirası ortaya qoydu! Bu heç-heçə qalibiyyətə bərabər oldu” - o əsərini bu sözlərlə paylaşıb.

Omar Momani əsasən futbol mövzulu karikaturaları ilə tanınır.