“Yuventus”un hücumçusu Duşan Vlahoviç 2026-cı ildə “Barselona”ya keçə bilər.

Futbolmedia.az “Fichajes”-ə istinadən xəbər verir ki, serbiyalı forvard Kataloniya klubunun əsas transfer hədəfinə çevrilib.

25 yaşlı futbolçu artıq “Yuventus”la yeni müqavilə imzalamaqdan imtina edib. Turin təmsilçisi 2022-ci ildə “Fiorentina”ya onun transferi üçün 80 milyon avro ödəyib.

“Barselona”nın baş məşqçisi Hans-Diter Flik Vlahoviçin oyun tərzini çox bəyənir və onu komandasında görmək istəyir. O, cari mövsümdə bütün turnirlərdə 10 oyuna çıxıb, 4 qol vurub və 1 məhsuldar ötürmə verib. Vlahoviçin “Yuventus”la müqaviləsinin müddəti 2026-cı ilin yayında başa çatacaq.

Bizi Telegramda izləyin