“Barselona”nın yarımmüdafiəçisi Frenki de Yonq barədə yeni məlumatlar yayılıb. O, Niderland millisi ilə məşqlərdə yüngül zədə almışdı.

Futbolmedia.az “Mundo Deportivo”-ya istinadən xəbər verir ki, De Yonq şənbə günü komanda ilə məşq edib, ancaq görünür ki, o, La Liqanın “Valensiya” ilə sentyabrın 14-də keçiriləcək matçında iştirak edə bilməyəcək.

Klub niderlandlı oyunçunun həyəcanlı və tələsik şəkildə meydanda olmasını istəmir.

De Yonqun UEFA Çempionlar Liqasında “Nyukasl”la sentyabrın 18-də keçiriləcək oyunda iştirak edə biləcəyi gözlənilir.

Kataloniya komandası hazırda La Liqada 3 turdan sonra 7 xalla turnir cədvəlinin 4-cü pilləsində qərarlaşıb.