"Kəpəz"in baş məşqçisi Adil Şükürov Misli Premyer Liqasının 3-cü turunda "Zirə"yə 0:5 hesabı ilə uduzduqları oyunu şərh edib.

Futbolmedia.az xəbər verir ki, o, matçdan sonra keçirilən mətbuat konfransında deyib:

"Çox danışılacaq bir şey yoxdur. Qapımızda gördüyümüz üç kuryoz qol komandanı dayandırdı. Bundan sonra imkanlarımız oldu, amma istifadə edə bilmədik. Üzücüdür. Yaxşı bir hal deyil. Qarşıda fasilədir. Bundan istifadə edib komandanı toparlamağa çalışacağıq. Düşünürəm ki, komanda daha yaxşı çıxış etməlidir. Buna da əsas var. Çünki məşqlərə çıxan futbolçular meydanda tam fərqli oyun sərgiləyirlər. Çalışacağıq ki, bu vəziyyəti düzəldək".