Vinisius Junior Braziliya millisinin növbəti 2 matçına çağırılmayacaq. 5 sentyabrda Karlo Ançelottinin komandası Dünya Çempionatı-2026-nın seçmə mərhələsi çərçivəsində Çili ilə, 10 sentyabrda isə səfərdə Boliviya ilə qarşılaşacaq.

Futbolmedia.az xəbər verir ki, "Globo"nun məlumatına görə, məşqçi heyəti “Real” vingerinə istirahət vermək və onu bu oyunlara çağırmamaq qərarına gəlib. Madrid klubunun digər oyunçuları – Rodriqo və Eder Militao ilkin heyətə daxil edilib və ehtimal ki, bu oyunlarda iştirak edəcəklər. Son rəsmi heyət 25 avqustda açıqlanacaq.

Braziliya millisi artıq dünya çempionatına vəsiqəsini təmin edib. İki tur qalmış seçmə mərhələdə Cənubi Amerika bölgəsində 25 xalla 3-cü yerdə qərarlaşıb.