“Real”ın vingeri Rodriqo yay transfer dövründə komandadan ayrılmağa çox da meyilli deyil.

Braziliyalı futbolçunun start heyətində yer tapması çətin görünür. Buna səbəb Kilian Mbappe və Vinisius Juniorla rəqabətdir.

Futbolmedia.az xarici KİV-ə istinadən xəbər verir ki, buna baxmayaraq, Rodriqo “Real”a aşiqdir və klubda qalmaq, əsas heyət uğrunda mübarizə aparmaq arzusundadır.

24 yaşlı futbolçu yalnız bir şərtlə ayrılmağa razı ola bilər: ona lider statusu və yüksək maaş vəd edən yüksək səviyyəli klub rəsmi təklif göndərərsə. Hazırda belə bir təklif yoxdur.

“Transfermarkt” portalı Rodriqonun dəyərini 90 milyon avro olaraq qiymətləndirir.