“Mançester Yunayted”in baş məşqçisi Erik ten Haq yarımmüdafiəçi Kazemironun səviyyəsini yüksək qiymətləndirir.

Futbolmedia.az xarici KİV-ə istinadən xəbər verir ki, niderlandlı çalışdırıcı mətbuat konfransında Kazemironun lider olduğunu bildirib:

“Kazemiro liderdir və meydanda fərq yarada bilər.

Onun gələcəyi? Bizimlə olan bütün oyunçular töhfə verməlidir. Onlar hazır olmalıdırlar”.

Daha əvvəl braziliyalı futbolçunun bu yay MY-ni tərk edərək, Səudiyyə Ərəbistanına gedə biləcəyi deyilirdi.

“Mançester Yunayted” 2022-ci ilin yayında Kazemiro üçün “Real”a təxminən 70 milyon avro təzminat ödəyib. O, komandanın ən yüksək maaş alan oyunçularından birinə çevrilib.