Azərbaycanın FİFA referisi Elçin Məsiyev UEFA-dan daha bir təyinat alıb.

Futbolmedia.az qurumun rəsmi saytına istinadən xəbər verir ki, o, Avropa Liqasının 3-cü təsnifat mərhələsinin oyununa təyinat alıb.

E.Məsiyev Rumıniyada ÇFR və Portuqaliyanın "Braqa" komandaları arasında keçiriləcək ilk matçı idarə edəcək. Ona yan xətdə Elşad Abdullayev və Pərvin Talıbov köməklik göstərəcək. Dördüncü hakim funksiyasını Fərid Hacıyev yerinə yetirəcək. VAR-da ispan Sezar Soto Qrado, AVAR-da Alexandro Munyis Ruis olacaq.

Qeyd edək ki, avqustun 7-də keçiriləcək qarşılaşma Bakı vaxtı ilə saat 21:30-da start götürəcək.