Türkiyənin “Qalatasaray” və İtaliyanın “Napoli” klubları hücumçu Viktor Osimhenin transferini rəsmiləşdirmə mərhələsini tamamlamaq üzrədirlər.

Futbolmedia.az xəbər verir ki, bu barədə tanınmış insayder Fabrizio Romano sosial şəbəkələrdə məlumat verib.

Mənbənin məlumatına görə, müqavilənin razılaşdırılması final ərəfəsindədir. Klubların hüquqşünasları yaxın günlərdə transferin bağlanması üçün bütün lazımi sənədlərin imzalanması üzərində işləyirlər.

Əvvəllər bildirilmişdi ki, transfer türklərə 75 milyon avroya başa gələ bilər.

Ötən mövsüm Osimhen icarə əsasında “Qalatasaray”da oynayıb. O, bütün turnirlərdə keçirdiyi 41 matçda 37 qol vurub və 8 məhsuldar ötürmə edib. Futbolçunun “Napoli” ilə mövcud müqaviləsi 2026-cı ilin yayına qədər nəzərdə tutulub.