"Real" rəhbərliyi futbolçusu Vinisius Junioru satmaq istəyir.

Futbolmedia.az xəbər verir ki, bu barədə "Defensa Central" məlumat yayıb. Madrid təmsilçisi25 yaşlı hücumçunu 2026-cı ildə satmaq variantını nəzərdən keçirir.

Klub 2027-ci ilin iyununda başa çatacaq müqavilənin uzadılması ilə bağlı forvardla razılaşa bilmir. Vinisiusun maaşını Kilian Mbappenin gəliri səviyyəsinə qədər artırmaqda israrlıdır. "Real"ın isə belə şərtlərlə razılaşmağa hazır olmadığı bildirilir. Danışıqlar nəticə verməsə, "kral klubu" 2026-cı ildən gec olmayaraq braziliyalı futbolçunu satmağa çalışacaq.

Qeyd edək ki, Vinisius 2018-ci ildən "Real"da oynayır.