“Neftçi” heyətini yeni futbolçu ilə gücləndirib.

Futbolmedia.az xəbər verir ki, bu barədə klubun mətbuat xidməti məlumat yayıb.

Paytaxt təmsilçisi "Araz-Naxçıvan"ın oyunçusu İqor Ribeyro ilə müqavilə bağlayıb. Braziliyalı müdafiəçi ilə anlaşmanın müddəti 2 ildir.

“Araz-Naxçıvan” klubu ilə razılaşmaya əsasən, Ribeyro bu komandanın UEFA Konfrans Liqasının ilk mərhələsindəki oyunlarından sonra “Neftçi”yə qoşulacaq.

28 yaşlı futbolçu ilə müqavilə avqustun 1-də qüvvəyə minəcək.

Qeyd edək ki,Sessi D’Almeyda (son klubu “Apollon Limassol”), Luis Ortis (“Sportivo Ameliano”dan icarəyə götürülüb), Elvin Bədəlov (son klubu "Sumqayıt"), Murad Xaçayevi (son klubu "Sumqayıt") də heyətinə qatıb.