Neymar həyat tərzinə edilən tənqidlərdən məyus olduğunu bildirib.

Futbolmedia.az xəbər verir ki, “Santos”un hücumçusu verdiyi açıqlamada maraqlı məqamlara toxunub:

“Mən başqalarının nə düşündüyünü idarə edə bilmirəm. Bizim həyatımızı tam anlamayanlara cavab vermək çətindir. Mühakimə etmək asandır, amma bunun arxasında nələrin dayandığını başa düşmək çətindir.

Karyeram boyunca buna görə bir az kədərli olmuşam. Məni tanımayan insanların haqqımda danışması, sadəcə futbolumdan deyil, həyat tərzimdən danışmaları məni üzür. Mən bilirəm ki, yaxşı insanam və bununla bağlı deyilənlərlə barışmaq çətindir. Kaş insanlar həqiqətən vacib olan şeyə, meydandakı oyunuma daha çox diqqət versəydilər.

Bu gün internet və sosial şəbəkələrin mövcudluğunda insanlar yalnız idmançının özünə fokuslanmaqda çətinlik çəkirlər. Tanımadıqları, gündəlik həyatımın bir parçası olmayan, özüm və ailəm üçün nə qədər səy göstərdiyimi bilməyən insanlar tərəfindən mühakimə olunmaq və bəzən nifrətə məruz qalmaq pis və kədərlidir.