Ukrayna millisinin və Kiyev “Dinamo”nun hücumçusu olmuş Artem Milevski 36 yaşında karyerasını başa vurub.

Futbolmedia.az xəbər verir ki, bu haqda o özü bildirib. Onun son klubu ötən mövsüm “Minay” (Ukrayna) olub.

Milevski “Dinamo”da 241 oyuna 54 qol vurub. O, 3 dəfə Ukrayna çempionu və 4 dəfə Ukrayna kubokunun qalibi adını qazanıb.

“Dinamo”dan sonra tanınmış hücumçu “Qaziantepspor” (Türkiuə), “Hayduk” və “Split” (Xorvatiya), “Konkordiyu” (Rumıniya), “Tosno” (Rusiya), “Vişvardu” (Macarıstan) və “Dinamo” Brestdə (Belarus) də çıxış edib.

Millidə isə Milevski 50 oyunda meydana çıxıb və 8 qola imza atıb.