“Şamaxı” qış fasiləsində növbəti transferini gerçəkləşdirib.

Futbolmedia.az xəbər verir ki, bu barədə klubun mətbuat xidməti məlumat yayıb. Bölgə təmsilçisi yarımmüdafiəçi Alfons Msanga Mabulanı heyətinə qatıb.

Tanzaniyalı futbolçu ilə il yarımlıq (6 ay + 1 il) müqavilə imzalanıb

Qeyd edək ki, 21 yaşlı oyunçu Serbiyanın “Spartak” (Subotitsa) klubuna məxsus olub, son olaraq icarə əsasında həmin ölkənin “Novi Sad” klubunda çıxış edib.

Xatırladaq ki, "Şamaxı" bunadək Cəlal Hüseynov, Murad Vəliyev, Vüsal Məsimov, Andrey-Kostin Tirkovaneu, Michael Thuique Dias Santosu sıralarına qatıb.