“Nyukasl”ın hücumçusu Aleksander Isakı almaq istəyənlər böyük məbləğdə pul ödəməli olacaqlar.

Futbolmedia.az “Telegraph Football”-a istinadən xəbər verir ki, “Arsenal” uzun müddətdir ki, isveçli oyunçuya iddialılar arasındadır və Məhəmməd Salahın ayrılacağı təqdirdə, “sağsağanlar”ın lideri “Liverpul”un da transfer hədəfinə çevrilə bilər.

“Nyukasl” İsak üçün 150 milyon funt-sterlinq (180 milyon avrodan çox) istəyəcək. 25 yaşlı hücumçunun uğurlu çıxışına baxmayaraq, çətin ki, kimsə belə bir məbləğ ödəməyə razı olsun.

İsak cari Premyer Liqada 16 matçda 11 qol vurub, 4 məhsuldar ötürmə edib.