Misli Premyer Liqasında 15-ci tur davam edir.

Futbolmedia.az xəbər verir ki, bu gün turun daha 2 görüşü keçiriləcək.

Əvvəlcə "Şamaxı" öz meydanında "Kəpəz"i qəbul edəcək.

Günün son oyununda isə "Zirə" "Sumqayıt”ı qəbul edəcək. Dünən “Sabah”ın qələbə qazanmasından sonra Rəşad Sadıqovun komandası turnir cədvəlində beşinci pilləyə enib. Son 3 oyununda uduzan “Zirə” bu gün qələbə qazanmaqla yenidən dördüncü pillədə qayıdacaq.

Sevinən tərəf “Sumqayıt” olsa, o zaman Vaqif Cavadovun komandası “Zirə” ilə xal fərqini minimuma endirəcək. Gənc məşqçinin gəlişindən sonra “Sumqayıt” keçirdiyi 5 qarşılaşmadan 3-də qələə qazanıb.

Qeyd edək ki, tura sabah keçiriləcək “Neftçi” - “Qarabağ” matçı ilə yekun vurulacaq.

Misli Premyer Liqası

XV tur

30 noyabr (şənbə)

17:00. “Zirə” - “Sumqayıt”
Hakimlər: Rəşad Əhmədov, Vüsal Məmmədov, Rəhman İmami, Elvin Bayramov
Zirə İK stadionu

14:30. “Şamaxı” - “Kəpəz”
Hakimlər: İnqilab Məmmədov, Zöhrab Abbasov, Rahil Ramazanov, Əkbər Əhmədov
Şamaxı şəhər stadionu

1 dekabr (bazar)
“Neftçi” - “Qarabağ”