“Real”ın hücumçusu Kilian Mbappe klubun son matçlardakı uğursuzluqları fonunda azarkeşlərə müraciət edib.

Futbolmedia.az xəbər verir ki, fransalı futbolçu sosial şəbəkə hesabında “Santyaqo Bernabeu”nun fotosunu paylaşaraq bunu yazıb:

“Tezliklə görüşərik! Həmişə olduğu kimi, gəlin birlikdə olaq! Madridə gedək!”

“Real” bu gün İspaniya La Liqasının növbəti turu çərçivəsində “Osasuna”nı qəbul edəcək.

Mbappe cari mövsüm başlamazdan əvvəl “Real”a keçib. O, komandada keçirdiyi 15 oyunda 8 qol vurub, 2 məhsuldar ötürmə edib.

Bir oyun az keçirən “Real” turnir cədvəlində lider “Barselona”dan 9 xal geri qalır.