"Turan Tovuz" nəticəyə oynamağı bacaran komandadır. Birinci hissədə rəqib, ikinci hissədə isə biz yaxşı oynadıq. Futbolçularımla fəxr edirəm. Rəqibi təbrik edirəm. Kurban Berdıyevə uğurlar arzulayıram. "Turan Tovuz"da baş məşqçinin işi aşkar görünür".

Futbolmedia.az xəbər verir ki, bu sözləri "Səbail"in baş məşqçisi Şahin Diniyev Misli Premyer Liqasının 5-ci turunda bu gün səfərdə "Turan Tovuz"a uduzduqları oyundan sonra mətbuat konfransında deyib.

O, 0:1 hesablı məğlubiyyətin səbəbləri haqda danışıb: "Əlimizə düşən fürsətləri qola çevirə bilmədik. Maraqlı oyun alındı, son dəqiqəyə kimi mübarizə getdi. Bu gün 1 xala layiq idik. Amma artıq gecdir. Oyundan-oyuna daha yaxşı olacağıq. Azarkeş təzyiqi ilk dəqiqələrdən bizə təsir etdi. Heyətimizin əksəriyyəti gənc oyunçulardır. Bu da onlara tədir edir. Aciz deyilik. Bu gün hansı nəticə olsa da, komandadan narazı qalmayacaqdım".

Baş məşqçi komandasının doğru yolda olduğunu bildirib: "Mən heç vaxt havaya söz buraxmıram. Tam əminliklə deyirəm ki, əlimdə olan ən yaxşı komandalardan biridir. Bəzi futbolçular bizimlə təlim-məşq toplanışı keçməyib. Tam düzgün yoldayıq. İkinci hissədə özünüz də gördünüz ki, komanda necə oynadı. Heç bir komponentdə rəqibə uduzmadıq".