"Liverpul"un müdafiəçisi Vircil van Deyk gələcəyi ilə bağlı qərarını verib.

Futbolmedia.az xəbər verir ki, bu barədə Britaniya mətbuatı məlumat yayıb. 33 yaşlı müdafiəçi klubu ilə müqaviləsini uzatmaq istəyir.

Niderlandlı futbolçu artıq klub rəhbərliyinə yeni müqavilə təklif olunarsa, danışıqlara açıq olacağı barədə xəbərdarlıq edib. Tərəflər arasında mövcud müqavilə 2025-ci ilin iyun ayına qədər qüvvədədir.

Daha əvvəl Səudiyyə Ərəbistanı çempionatının klublarından Van Deyklə maraqlandığı haqda xəbərlər yayılmışdı.

Xatırladaq ki, ötən mövsüm van Deyk bütün turnirlərdə 48 matça çıxıb, 4 qol vurub və 2 qolun ötürməsini verib.