“Liverpul”dan ayrılan qapıçı Adrianın yeni klubu müəyyənləşib.

Futbolmedia.az xəbər verir ki, 37 yaşlı qolkiper sabiq klubu “Betis”ə qayıdıb. Bu barədə klubun mətbuat xidməti məlumat yayıb.

İspan qapıçı La Liqa təmsilçisi ilə 2 illik müqavilə imzalayıb.

Qeyd edək ki, Adrian “Betis”in yetirməsidir. Bu klubun əsas heyətində 32 matça çıxdıqdan sonra o, 2013-cü ildə İngiltərəyə yollanıb. Britaniyada Adrian “Vest Hem” və “Liverpul”un formasını geyib. İspan qapıçı “qırmızılar”ın heyətində İngiltərə çempionatının, ölkə kubokunun, UEFA Superkubokunun, eləcə də klublararası dünya çempionatının qalibi olub.