Zaqreb "Dinamo"sunda çıxış edən Azərbaycan millisinin hücumçusu Mahir Emreli bu mövsümkü çıxışı ilə bağlı fikirlərini bölüşüb.

Futbolmedia.az verir ki, 27 yaşlı futbolçu heç vaxt oyunlardan bu qədər çox kənarda qalmadığını bildirib:

"Mövsümün çox uğurlu başlamasına baxmayaraq, uzunmüddətli zədələr məni izlədi. Mən heç vaxt belə uzun müddət meydandan kənarda qalmamışdım. Xarakterimi, səbrimi sınamaq və daha güclü qayıtmaq üçün karyeramın çox vacib dövrü idi. Komandamla birlikdə olmaqdan və medallar qazanmaqdan çox məmnunam".

Qeyd edək ki, Emreli bu mövsüm “Dinamo” ilə bütün turnirlərdə 24 oyunda meydana çıxıb, 5 qol vurub, 5 qolun isə ötürməsini edib.