“Atletiko”nun hücumçusu Memfis Depay braziliyalı futbolçu, “Barselona”nın keçmiş müdafiəçisi Dani Alveşin zaminə buraxılmasına köməklik göstərib.

Futbolmedia.az xəbər verir ki, bu barədə "Daily Sports" məlumat yayıb. Depayın ailəsi məhkəmənin tələb etdiyi 1 milyon avronu tamamlamaqda çətinlik çəkib. Ona görə də Depay Alveşə maddi yardım edib.

Dani Alveş və Memfis Depay 2021/22 mövsümündə "Barselona"da komanda yoldaşı olublar və dostluq münasibəti qurublar.

Xatırladaq ki, ötən ilin yanvarında 40 yaşlı Dani Alveş Barselonadakı "Sutton" gecə klubunda bir qıza təcavüz etməkdə ittiham olunub. Yanvarın 20-də keçmiş futbolçu nəzarətə götürülüb. Daha sonra o, 4,5 il həbs cəzasına məhkum edilib. Həmçinin mənəvi təzminat olaraq Alveşin zərərçəkənə 150 ​​min avro ödəməsi tələb olunub. Eyni zamanda İspaniya prokurorluğu Alveşin daha uzun müddət həbsdə qalması lazım olduğunu düşünərək məhkəmənin qərarından apellyasiya şikayəti verməyi planlaşdırıb. Ötən gün isə məhkəmənin tələb etdiyi 1 milyon avro ödənilib və Dani azadlığa buraxılıb.