"Barselona"nın və Braziliya millisinin sabiq müdafiəçisi Dani Alveşin ailəsi məhkəmədə zaminə buraxılması üçün zəruri olan 1 milyon avro borc almaq istəyir.

Futbolmedia.az xəbər verir ki, bu barədə "Mundo Deportivo" məlumat yayıb.

Keçmiş futbolçunun Braziliyadakı çoxmilyonluq sərvəti toxunulmazdır. Onun və ya ailəsinin əmlakı satmaq hüququ yoxdur.

Əgər məhkəmənin tələb etdiyi 1 milyon avro ödənilsə, Alveş zərərçəkəndən uzaq durmaq və ölkəni tərk etməmək şərti ilə həbsdən azad olunacaq.

Neymarın bu ilin əvvəlində təzminat ödəməyə kömək edən atası bu dəfə Alveşə yardım etmək istəməyib. Hazırda sabiq hücumçunun ailəsi 1 milyon avronu ödəmək üçün mübarizə aparır.

Əgər onlar yaxın 24 saat ərzində bunu edə bilsələr, o zaman Alveşə növbəti bazar ertəsi həbsxanadan çıxmağa icazə veriləcək.