“Mançester Yunayted”in 10 illik seriyası qırılıb.

Futbolmedia.az xarici KİV-ə istinadən xəbər verir ki, bu, İngiltərə Premyer Liqasının 27-ci turunda “Mançester Siti” ilə oyunda baş verib.

“Qırmızı şeytanlar” 2014-cü ildən bəri ilk dəfə ölkə çempionatında birinci hissəni hesabda öndə başa vurduğu görüşü məğlubiyyətlə tamamlayıb. Oyun “Mançester Siti”nin 3:1 hesablı qələbəsi ilə başa çatıb.

“Mançester Yunayted” sonuncu dəfə 2014-cü ildə “Lester”lə qarşılaşmada belə halla üzləşib. Komanda həmin vaxtdan bəri keçirdiyi 143 görüşdə isə fasiləyə öndə yollandığı zaman uduzmayıb.

MY hazırda Premyer Liqada 44 xalla 6-cı pillədə qərarlaşıb.