“Liverpul” ötən ilin yayında heyətinə cəlb etdiyi Darvin Nunyesə görə “Benfika”ya əlavə ödəniş etməli olub.

Futbolmedia.az xəbər verir ki, buna səbəb uruqvaylı hücumçunun son turda mersisaydlıların heyətində il ərzində 35-ci matçına çıxması olub.

Bu isə iki klub arasındakı müqavilədə nəzərdə tutulan bonuslarla bağlı maddənin aktivləşməsi ilə nəticələnib.

Anlaşmaya görə, “Benfika”dan transfer olunan hücumçu “Liverpul”un heyətində il ərzində 35 və daha artıq matça çıxacağı halda portuqaliyalılara əlavə 4,3 milyon funt-sterlinq ödənməli idi. Beləliklə, Nunyesin transferinin ümumi dəyərinin 72,6 milyon funt-sterlinqə çatıb.