Kiyev "Dinamo"sunun və Ukrayna millisinin sabiq hücumçusu Artem Milevski komadan ayılıb.

Futbolmedia.az xəbər verir ki, o, spirtli içki problemi səbəbindən xəstəxanaya yerləşdirilmişdi. Artıq klinikanı tərk edən Milevski səhhətində yaranmış problemdən sonra ilk fotosunu da yayımlayıb. Fotoda futbolçunun dostu ilə Kiyev operasını ziyarət etdiyi görünür.

Xatırladaq ki, Milevski sentyabrın sonunda xəstəxanaya yerləşdirilmişdi. Daha sonra ukraynalı hücumçunun komada olduğu müəyyənləşib. Bundan əvvəl Milevskinin Kiyevdəki klinikalardan birində alkoqolizmdən hərtərəfli reabilitasiya keçdiyi, həmçinin 20 kq arıqladığı bildirilmişdi.