“Milan"ın hücumçusu Olivye Jiru hakim Rosario Abissonu təhqir etdiyinə görə A Seriyasında iki oyunluq diskvalifikasiya olunub.

Futbolmedia.az xəbər verir ki, bu barədə İtaliya mətbuatı məlumat yayıb. İtaliya A Seriyasının 12-ci turunun “Leççe” – “Milan” matçında (2:2) Jiru 90+3-cü dəqiqədə qaydanı pozduğu üçün sarı vərəqə alıb. O, daha sonra hakim Rosario Abissonu təhqir etdiyinə görə qırmızı vərəqə ilə meydandan qovulub.

Beləliklə, fransalı futbolçu A Seriyasında “Fiorentina” və "Frozinone"yə qarşı görüşləri buraxacaq.

Qeyd edək ki, Jiru bu mövsüm bütün turnirlərdə "Milan"ın heyətində 15 oyuna çıxıb, 8 qol vurub və 3 qolun ötürməsini verib.