“İnter”in baş məşqçisi Simone İnzaqi “Benfika” ilə oyun haqda danışıb.

Futbolmedia.az “La Repubblica”-ya istinadən xəbər verir ki, o, oktyabrın 3-də baş tutacaq matç haqda bunları söyləyib:

“Çətin oyun olacaq, biz çox yüksək intensivliklə oynayan komanda ilə qarşılaşacağıq. Yeni qapıçı, iki fərqli yarımmüdafiəçi, mərkəz hücumçusu – bir neçə oyunçu dəyişib. Ancaq oyunun prinsipləri eyni qalıb.

Gərgin oyun keçirəcəyik. Qonaq komanda ötən mövsüm davranışlarına görə onlara qarşı sanksiyalar tətbiq edən UEFA-nın qərarına görə azarkeşlərinin dəstəyini qazana bilməyəcək”.

Bu gün “İnter” Çempionlar Liqasının qrup mərhələsinin ikinci turu çərçivəsində “Benfika” ilə qarşılaşacaq.