“Mançester Yunayted”in hücumameyilli yarımmüdafiəçisi Ceydon Sanço qışda klubunu tərk edə bilər.

Futbolmedia.az xarici KİV-ə istinadən xəbər verir ki, “qırmızı şeytanlar”ın baş məşqçisi Erik ten Haqla münaqişəsi olan futbolçunu “Aston Villa” və “Kristal Pelas” almağa hazırdır.

Sentyabrın 3-də Sanço sosial şəbəkədə Premyer Liqanın 4-cü turunda “Arsenal”la oyunda (1:3) heyətdə yer almamasını məşqdə zəif çalışması ilə izah edən Erik ten Haqın sözlərinə cavab verib. Sanço baş məşqçinin dediklərini yalan adlandırıb. Yarımmüdafiəçi daha sonra bu yazını silib.