UEFA 2022-ci il Çempionlar Liqası finalının səhv idarə olunması ilə bağlı müstəqil araşdırmaya saxta sübutlar təqdim etməkdə ittiham olunur.

Futbolmedia.az xəbər verir ki, bu barədə "The Guardian" məlumat yayıb. UEFA-nın baş əməliyyat direktoru vəzifəsində çalışmış Şaron Burkhalter-Lau Avropanın ali futbol qurumunun Aleksander Çeferinin (UEFA prezidenti) ən yaxın dostu olan təhlükəsizlik bölməsini qorumaq üçün müstəqil araşdırmaya yalan sübut təqdim etdiyini iddia edib.

2021-ci ildən UEFA-nın təhlükəsizlik departamentinə Çeferinin çoxdankı dostu olan Zelko Pavlica rəhbərlik edir. Burkalter-Lau iddia edir ki, Pavlicanın bölməsindən heç kim 2022 Çempionlar Liqasının finalından əvvəl keçirilən təhlükəsizlik iclaslarında iştirak etməyib və ya gələcək planlaşdırma prosesi üçün lazım olan kritik məlumatları təqdim etməyib.

Burkhalter-Lau bunu da vurğulayıb ki, komissiya 2022 Çempionlar Liqasının finalının zəif təşkilini araşdırmaya başlamazdan əvvəl, təhlükəsizlikdən məsul olan digər UEFA rəsmiləri bu komissiya üçün tamamilə həqiqətə uyğun olmayan bir bəyanat imzalayıblar.