“Neftçi” yeni transferi Rizuan Mirzovla müqaviləsinin detallarını açıqlayıb.

Futbolmedia.az klubun mətbuat xidmətinə istinadən xəbər verir ki, rusiyalı sol vinger ilə 1 illik müqavilə bağlanıb. 30 yaşlı yarımmüdafiəçi komandanın heyətində 22 nömrəli formanı geyinəcək.

Reziuan Mirzov Rusiyanın “Spartak-Nalçik” (2012-2013), “Spartak” (Kostroma, 2013), “Zvezda” (Ryazan, 2013), “Torpedo” (Moskva, 2014-2015), “Terek” (2015-2017), “Rostov” (2017-2019), “Tosno” (2017-2018), “Arsenal” (Tula, 2018-2019), “Spartak” (Moskva, 2019-2022) və “Ximki” (2020-2023) klublarında çıxış edib. 2017/18 mövsümündə “Tosno” ilə Rusiya kubokunun qalibi olan Mirzov 2018/19 mövsümündə ölkə çempionatının 33 ən yaxşı futbolçusu siyahısına düşüb.

Qeyd edək ki, “Neftçi” bundan əvvəl qapıçı Emil Balayev, müdafiəçilər – Yuri Matias, Mark Tamaş, Ervin Koffi, yarımmüdafiəçilər – Filip Ozobiç, Qara Qarayev, Andre Şinyaşiki, Dieqo Valdez və hücumçu Aaron Olanare ilə anlaşıb.

* * *

"Neftçi" rusiyalı futbolçu Reziuan Mirzovun keçidini rəsmiləşdirib.

Qol.az xəbər verir ki, bu haqda klubun mətbuat xidməti məlumat yayıb. Hələlik 30 yaşlı yarımmüdafiəçi ilə imzalanan müqavilənin detalları açıqlanmayıb.

“Neftçi” Mirzovun karyerasında ilk əcnəbi klubdur. Nalçik "Spartak"ının yetirməsi olan futbolçu Moskvanın "Torpedo", Tulanın "Arsenal", Moskvanın "Spartak" və "Ximki" kimi klublarda oynayıb.

Xatırladaq ki, R.Mirzovun adı "Sabah"la da hallanırdı.

Qeyd edək ki, "Neftçi" bu yay Emil Balayev, Filip Ozobiç, Adrian Mutu (baş məşqçi), Yuri Matias, Mark Tamaşa, Qara Qarayev, Ervin Koffi, Andre Sinyaşiki, Aaron Samuel Olanare, Dieqo Valdezi də transfer edib.