"Qarabağ"ın baş məşqçisi Qurban Qurbanov futbolçusu Marko Yankoviçin Avropa Liqasının pley-off mərhələsində "Olimpiya"ya qarşı Bakıda keçirdikləri cavab oyununda (1:1) zədələnməsi haqda danışıb.

Futbolmedia.az xəbər verir ki, mütəxəssis 28 yaşlı yarımmüdafiəçinin zədəsinin ciddi olmadığını deyib:

“Ciddi bir şey yoxdur. Toqquşma oldu, ağrı hiss etdi. Sabah vəziyyətinə tam aydınlıq gələcək”.

Qeyd edək ki, səfərdəki ilk matçda rəqibinə 2:0 hesabı ilə qalib gələn Ağdam təmsilçisi 2 oyunun cəmində Avropa Liqasının qrup mərhələsinə adlayıb. Komandanın bu mərhələdəki rəqibləri sabah keçiriləcək püşkatma mərasimində müəyyənləşəcək.