Avstraliya 2034-cü ildə kişilərdən ibarət milli komandalar arasında keçiriləcək dünya çempionatına ev sahibliyi etmək istəyir.

Futbolmedia.az xəbər verir ki, onlar artıq məsələyə görə FİFA-ya müraciət ediblər. Bu haqda Avstraliya Futbol Federasiyasının baş direktoru Ceyms Conson danışıb. O bildirib:

“Qadınlar arasında dünya çempionatına uğurla ev sahibliyi etdik. Bu mundialı digər yarışlar üçün tramplin kimi görürük. Diqqətimizi DÇ-2034-ə və 2029-cu ildə reallaşacaq klublararası dünya çempionatına yönəldəcəyik”.

Qeyd edək ki, hazırda Avstraliya və Yeni Zelandiyada keçirilən qadınlar arasında dünya çempionatına 20-də yekun vurulacaq.