“Mançester Siti”nin və “Barselona”nın keçmiş hücumçusu Serxio Aquero Argentina millisi ilə dünya çempionatına getmək istəyir.

Futbolmedia.az xəbər verir ki, 33 yaşlı hücumçu “Radio 10”-a açıqlamasında bu barədə milli komandanın baş məşqçisi Lionel Skaloni ilə danışdığını da bildirib:

“Qətərdə keçiriləcək dünya çempionatına getmək istəyirəm. Bu həftə görüşümüz olacaq. Mən orada olmaq istəyirəm. Məşqçilər korpusuna daxil olmaq niyyətim var. Artıq baş məşqçi Skaloni ilə danışmışam. Biz cəhd etməliyik. Reallıq budur ki, dünya çempionatına getsəm, uşaqlarla birlikdə olacam və məşq edəcəm. Problem deyil. Onları motivasiya etmək üçün orda olmaq istəyirəm”.

Xatırladaq ki, Aquero ürəyində yaranan problemə görə ötən ilin dekabrında “Barselona”dan ayrılıb və futbolçu karyerasını bitirib.